සුජාත දියණියට වඩා අභීත දියණිය ප්රේක්ෂකයින් අතර ජනප්රිය වුණා. මෙයට හේතුව කුමක්ද?
ප්රධාන හේතුව වුණේ මේ නාට්ය පුරා සිටියේ පොඩි දරුවෙක් වීම. මේ නාට්ය
තෝරා ගැනීමට හේතුව වුයේත් එයයි. තම පියා හා ෙසාහොයුරාගේ වියෝවයෙන් පසු තනි
වුණා, එහෙත් ඉතා ධෛර්යවන්ත කිසිවකුට බය නැති ගැහැනු දරුවෙක් වටා ගෙතුනු
කතාවක් මෙය. මෙය ප්රචාරය කරපු මුල් අවධියේ
ප්රේක්ෂකයින් මෙය සුජාත දියණිය හා සමඟ සංසන්දනය කළා.
නමුත් මෙම නාට්ය සුජාත දියණියට වඩා පුළුල් පරාසයක් දක්වා විහිදෙන්නක්.
මොකද සුජාත දියණිය විහිදුණේ රාජකීය මුළුතැන්ගේය සහ ඒ අවට පරිසරයට පමණයි.
නමුත් අභීත දියණිය එයට වඩා වෙනස් ෙ විවිධ සිද්ධීන් හා පරිසරයන් මෙහි දක්නට
ලැබෙනවා. විශේෂයෙන්ම මෙහි සිංහල පිටපත බොහොම ලස්සනට නිර්මාණය කෙරුණා.
නමුත් ඇතැමුන් චෝදනා කරනවා මේ නාට්ය පැයක් පුරා විකාශනය වීම නිසා දරුවන්ගේ් කාලය කා දමන බවට. ඒ පිළිබඳ ඔබ දරන අදහස?
ඇත්තෙන්ම මෙතනදී මා උත්සාහ කළේ සමාජයට හානියක් කිරීමට නෙමෙයි. සමාජයට යහපත්
ආදර්ශයක් ලබා දීමයි මගේ අරමුණ වුණේ. එය සාර්ථක වුණා කියලා මා විශ්වාස
කරනවා.
චංගුමි
කියන චරිතයත් අභීත දියණිය හි දොංයි ගේ චරිතය හරහා ළමා පරපුරට ගෙන එන්නේ
ආදර්ශයක්. ධෛර්යවන්ත තම අරමුණු කරා නොබියව නොසැලී බාධක ජයගෙන ගමන් කරන
ආකාරය තමයි මෙයින් කියවෙන්නේ. මේ චරිත හරහා දරුවන්ගේ ජීවිතවල යහපත් වෙනසක්
ඇතිවුණා.
දරුවෝ උදාසීන ගති අතහැර කඩිසර වුණා. ධෛර්යවන්ත වුණා. ඉතිං දොස් කියන අය
ඉන්නේ බොහෝම ටික දෙනයි. සියයට අනූ අටක්ම ඉන්නේ අභීත දියණිය සමඟයි.
ඇත්තෙන්ම මෙය ලොකු, පොඩි, බාල, මහලු සියලු දෙනාම ඉතා කැමැත්තෙන් නරඹන
නාට්යයක් වී හමාරයි. මේ නාට්ය නැවැත ප්රතිනිර්මාණය කිරීමේදී දරුවන්ට
උචිත විදිහට නිර්මාණය කිරීමට මා පෙළඹුණේත් වැඩි වශයෙන් මෙය දරුවන් අතරට යන
නාට්යයක් නිසා.
හඬකැවීම් ක්ෂේත්රය තුළ පෙරට වඩා නවතාවයක් දක්නට ලැබෙනවා. මේ වෙනසට හේතුව කුමක්ද?
හඬ කැවීම් ක්ෂේත්රය තුළ යම් පිබිදීමක් තිබෙනවා නම් එය හේතුව නිසි
පුහුණුවකින් පසු හා චරිත වලට සුදුසු රංගන ශිලපීන් යොදවා දෙබස් ගැන්වීමයි.
මේ නිසා සාර්ථක වන නිර්මාණය ඉතා ඉක්මනින් ප්රේක්ෂකයින් අතරට යනවා. එවිට
නාට්ය පමණක් නොවේ සමස්ත හඬකැවීම් කලාවම ජනප්රිය වෙනවා.
අභීත දියණිය නාට්ය සඳහා මා සම්බන්ධ කරගනු ලැබුවේ නවක හඬ කැවීම් ශිල්පීන්.
එයට හේතුවක් තිබුණා. සුජාත දියණිය නාට්යයේ චරිතවලට පණදුන් කට හඬම අභිත
දියණිය තුළින් ඇසුණොත් එය එකකාරිවීමට ඉඩ තිබුණා.
ඒ නිසා අභීත දියණිය නාට්යයේ චරිත වලට සුදුසු වෙනස් හා අලුත් හඬවල් ගෙනෙන්න
මට ඕනෑ කළා. මේ නිසා නවක දක්ෂ හඬකැවීම් ශිල්ප ශිල්පිණියන් රැසක් මේ
ක්ෂේත්රයට ගෙන ඒමට හැකිවී තිබෙනවා. හඬ පරීක්ෂණයකින් තෝරා ගත් මේ පිරිසට
හඬ කැවීම් පිළිබඳ පුහුණුව ලබාදෙන අතරම නොමිලේ පිටපත් රචනය පිළිබඳවත්
හැදෑරීමට ඉඩ කඩ සලසා තිබෙනවා.
අභීත දියණියට පියුමි විජේවර්ධන හඬ දෙන අතරම කමල් ගමගේ රජුගේ චරිතයට ජීවය
දෙනවා. මෙයට අමතරව ප්රවීණ හා නවක විශාල පිරිසක් හඬ කැවීමෙන් මේ සඳහා දායක
වී සිටිනවා.
හඬ කැවීම් කලාවේ උන්නතිය වෙනුවෙන් ගෙන ඇති ක්රියා මාර්ග මොනවාද?
මේ වනවිට හඬ කැවීම් ශිල්පීන් වන කරුණාරත්න අමරසිංහ, අදිශ කංචන, මර්සි
එදිරිසිංහ, හා අප එකතු වෙලා හඬකැවීම් හා උප සිරැසි ගැන්වීමේ සංසදයක්
පිහිටුවා ගෙන තිබෙනවා. ඒ හරහා ඇගැයීමට ලක් නොවුණු හඬ කැවීම් ශිල්පීන්
වෙනුවෙන් උත්සවයක් පවත්වා සම්මාන ලබා දෙන්න අපට හැකි වුණා.
එවැනි
තව සම්මාන උළෙලක් මේ වසරේදී පැවැත්වීමට අප සූදානමින් සිටිනවා. මෙහිදී
හඩකැවීම් ක්ෂේත්රයට සම්බන්ධ හඬකැවීම්, කාර්මික, පිටපත් රචක යන සියලු අංශවල
ශිල්පීන් සම්මානයට පාත්ර වනවා.
මේ කටයුතු සඳහා රූපවාහිනි සංස්ථාවේ සභාපති මොහාන් සමරනායක මහතා, ප්රධාන
විධායක ගාමිණී රාසපුත්ර, සහකාර අධ්යක්ෂ අනුර ධර්මසේන යන මහත්වරු ඇතුළු
විශාල පිරිසකගේ සහයෝගය ලැබෙනවා.
ඒ වගේම දොස්තර හොඳ හිත වගේ ශ්රී වික්රම රාජසිංහ හත්පණ, පඬිතුමා සහ යෝධයා,
ගජමැන්, සිරිබිරිස් වැනි දරුවන්ට උචිත නිර්මාණ හා සම්භාව්ය නිර්මාණ පොඩි
දරුවන් වෙනුවෙන් ගෙන එන්න මා සූදානමින් ඉන්නවා. මුලින් අපට නොතිබුණ නමුත්
දැන් හිමි වී තිබෙන ලංකාවේ කාටුන් හදන මැදිරියක් තිබීමත් අපට පහසුවක් වී
තිබෙනවා.
පස්වරු 6.30 උදාවන තුරු නිවෙසේ ප්රේක්ෂකාගාරය නොසන්සුන්ය. කොරියානු දියණියගේ දස්කම් දැකගැනීමට තම්බපන්නී දේශයේ වැසියෝ පෙළ ගැසී බලා සිටිති. පුරා හෝරාවක් ගතවන තුරු ඉඳිකටුවක් වැටෙන හඬකටවත් අවසරයක් නම් නැත.‘සුජාත දියණිය’ මාලා නාටකයේ චංගුමී දැන් අපේම දියණියකි. 
